Բայդենը գնահատել է Բելառուսում ռուսական միջուկային զենքի տեղակայումը

ԱՄՆ նախագահ Ջո Բայդենը Բելառուսում ռուսական մարտավարական միջուկային զենքի տեղակայումն անվանել է «լիովին անպատասխանատու», հայտարարել է Սպիտակ տան մամուլի ծառայությունը։

«Ես արդեն բազմիցս մեկնաբանել եմ դա։ Դա լիովին անպատասխանատու է»,- մեջբերում է ՏԱՍՍ-ը։

Ավելի վաղ Բելառուսի նախագահ Ալեքսանդր Լուկաշենկոն հայտարարել էր, որ երկրում միջուկային զենքի տեղակայումն իր «հրատապ» պահանջն է Մոսկվային։ Նրա կարծիքով՝ մարտավարական միջուկային զենքը կարող է երաշխավորել հանրապետության անվտանգությունը։

Պետդումայի միջազգային հարցերով հանձնաժողովի ղեկավար Լեոնիդ Սլուցկին նշել է, որ Ռուսաստանի մարտավարական միջուկային զենքը կպաշտպանի Բելառուսը Արևմուտքի հարձակումներից։