Գերմանիայում մրջյունների օրգիայի պատճառով՝ ինտերնետն անջատվել է

Գերմանիայի արեւմտյան գյուղերից մեկում ինտերնետը դադարել է աշխատել՝ մրջյունների սեռական խրախճանքի պատճառով։ Այս մասին հայտնում է Daily Mail-ը։

Հրատարակության տվյալներով՝ մրջյունները օրգիա են կազմակերպել տեղական հեռահաղորդակցության մատակարարի միացման տուփում։ Զուգավորումից հետո միջատները թողել են թթվի հաստ շերտ, որը կոռոզիայի է ենթարկել մալուխները։ Տեղի բնակիչները մեկ շաբաթ չեն կարողացել օգտվել համացանցից և զանգեր կատարել։

Մասնագետները կարողացել են միացման տուփից հանել մրջյուններին և փոխել մալուխները, որից հետո գյուղում ինտերնետը վերսկսել է գործել։ Այնուամենայնիվ, տեղի բնակիչները վախենում են, որ միջատները կարող են նորից«գրավել» սարքավորումները:

Ընկերությունը, որը պահպանում է միացման տուփերը, նշել է, որ հինգ խափանում է եղել մրջյունների ներխուժման պատճառով: