Դեմ ենք Մակրոնին. ՌԴ ԱԳՆ
Աշխարհ
Օգոստոսին BRICS-ի գագաթնաժողովում տեղին չէ Ռուսաստանի Դաշնության նկատմամբ թշնամական քաղաքականություն վարող երկրների ղեկավարների ներկայությունը։ Այս մասին հայտարարել է ՌԴ փոխարտգործնախարար Սերգեյ Ռյաբկովը՝ մեկնաբանելով Ֆրանսիայի նախագահ Էմանուել Մակրոնի՝ օգոստոսին Հարավային Աֆրիկայում կայանալիք ԲՐԻԿՍ-ի հանդիպմանը ներկա գտնվելու ցանկությանը, փոխանցում է RIA Novosti-ն։
ՌԴ ԱԳՆ ներկայացուցիչը նշել է, որ հրավիրյալների շրջանակը պետք է որոշի հյուրընկալող կողմը, սակայն դրան պետք է նախորդեն ԲՐԻԿՍ-ի բոլոր մասնակիցների խորհրդակցությունները։
«Հասկանալի է, որ պետության ղեկավարները, որոնք մեզ համար նման թշնամական և անընդունելի քաղաքականություն են վարում, այնքան ընդգծված և համոզված պնդումով, որ Ռուսաստանը միջազգային մեկուսացման կարիք ունի։ Նման առաջնորդը չպետք է ԲՐԻԿՍ-ի հյուրը լինի»,- պարզաբանել է դիվանագետը:
Ռյաբկովն ընդգծել է, որ Ռուսաստանը չի թաքցնում այս մոտեցումը և այդ մասին ասել է Հարավաֆրիկյան Հանրապետության իր գործընկերներին։
«Մենք ակնկալում ենք, որ մեր տեսակետն ամբողջությամբ կընդունվի»,- ասել է ՌԴ փոխարտգործնախարարը։
Ավելի վաղ Ֆրանսիայի արտաքին գործերի նախարար Քեթրին Կոլոնան հաստատել էր, որ նախագահ Էմանուել Մակրոնը կցանկանար հրավեր ստանալ ԲՐԻԿՍ-ի հաջորդ գագաթնաժողովին, որը նախատեսված է օգոստոսի 22-24-ը՝ Յոհանեսբուրգում։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
