«Մենք շահեկան դիրքեր ենք զբաղեցնում Հայաստանի հետ սահմանի երկայնքով»․ Ալիևը նորից սպառնալիքներ է հնչեցրել
Աշխարհ
«Մենք շահեկան դիրքեր ենք զբաղեցնում Հայաստանի հետ սահմանի երկայնքով։ Մենք ամրանում ենք այդ դիրքերում։ Ռազմավարական բարձունքներում գտնվելը մեզ ռազմավարական առավելություն է տալիս»։
Այս մասին հունիսի 23-ին հայտարարել է Ադրբեջանի նախագահ Իլհամ Ալիևը։
«Եթե Հայաստանը և դրա հետևում կանգնած օտարերկրյա բարեկամները չեն հասկանում այս բոլոր գործոնները, թող իրենք իրենց մեղադրեն»,– նշել է Ալիևը։
Նա նաև խոստովանել է, որ վերջին տարիներին Ադրբեջանը բազմիցս ագրեսիայի է դիմել ՀՀ–ի և Արցախի նկատմամբ։
«Վերջին երկուսուկես տարիների ընթացքում մենք մի քանի անգամ ստիպված ենք եղել մեր ուժը ցուցադրել հայկական կողմին։ Նախ՝ ի պատասխան նրանց ռազմական սադրանքների։ Երկրորդ՝ մենք նրանց ազդանշան ենք ուղարկել, որ եթե իրենց լավ չպահեն, չհարգեն իրենց ստորագրությունը, ապա արդյունքն իրենց համար ողբալի կլինի»,– հայտարարել է ադրբեջանցի բռնապետը։
«Այդ պատճառով էլ մենք մեզ դեռ զուսպ ենք պահում, մենք երբեք թույլ չենք տվել շտապել, դրա կարիքը չկա: Այսօր ուժը մեր կողմն է, և ժամանակը ամրապնդում է մեր դիրքերը և միջազգային իրավունքը: Մենք կարող ենք սպասել, նորից եմ ասում, մենք չենք շտապում»,- հավելել է Ալիևը։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
