ՔՏՀԱ տեսչական մարմնի ղեկավար Գարեգին Խաչատրյանի բացահայտ երկակի ստանդարտները

Ինչպես և խոստացել էինք՝ շարունակում ենք ներկայացնել քաղաքաշինության, տեխնիկական և հրդեհային անվտանգության տեսչական մարմնի աշխատանքներում արձանագրվող թերացումներն ու բացթողումները և այսօր կանդրադառնանք տեսչական մարմնի ղեկավար Գարեգին Խաչատրյանի կողմից դրսևորվող ակնհայտ երկակի ստանդարտներին:

Դիցուք՝  ամիսներ շարունակ ԶԼՄ-ն ու քաղաքացիները ահազանգում են Բաղրամյան պողոտայում գտնվող «Շառլոտ Կաբարե» գիշերային ակումբի գործունեության վերաբերյալ, որը կոպտորեն խախտում է Երևանի ավագանու 2020 թվականի դեկտեմբերի 12-ի թիվ 188-Ն որոշումը, որով սահմանափակման ենթակա ծառայության օբյեկտները Երևան համայնքի վարչական տարածքում կարող են գտնվել բնակելի շենք-շինություններից, կրթական հաստատություններից, օտարերկրյա պետությունների ներկայացուցչություններից նվազագույնը 100 մետր հեռավորության վրա: Սակայն, տեսչական մարմնի ղեկավարությունը չտեսնելու և չլսելու է տալիս բոլոր այս բողոքները: Օրեր առաջ մամուլում տարածված տեղեկության համաձայն՝ չի բացառվում, որ Գարեգին Խաչատրյանի լռությունն ունի անձնական շահագրգռվածության հիմքեր:

Հենց այստեղ է որ դրսևորվում են Խաչատրյանի երկակի ստանդարտները: Գաղնիք չէ, որ տեսչական մարմինը գրեթե ամեն օր հպարտորեն հայտարարում է այս կամ այն բենզա/գազալցակայանները փակելու կամ տուգանելու մասին: Դիցուք՝ ընդամենը օրեր առաջ դադարեցրել է Երևանի Արաբկիր վարչական շրջանում՝ Ավետ Ավետիսյան և Գյուլբենկյան փողոցների խաչմերուկ հասցեում շահագործվող բենզալցակայանի աշխատանքը։ Դրանից էլ առաջ էլ ամբողջությամբ կասեցվել էր Կենտրոն վարչական շրջանի Եզնիկ Կողբացու և Արամի փողոցների խաչմերուկ հասցեում շահագործվող բենզալցակայանի աշխատանքը։ Կասեցվել է նաև Աջափնյակ վարչական շրջանի Շինարարների և Աբելյան փողոցների խաչմերուկ, Շինարարների և Ջանիբեկյան փողոցների խաչմերուկ, Շինարարների և Ջանիբեկյան փողոցների խաչմերուկ (Շինարարների 35 հասցեի դիմաց) հասցեներում գործող բենզալցակայանների աշխատանքը:

Սակայն, գործը միայն բենզա-գազալցակայաններով չի ավարտվում: Տեսչական մարմինը պարեկային ծառայողների հետ երկօրյա համատեղ վերահսկողություն էր իրականացրել «Զվարթնոց» միջազգային օդանավակայանի տարածքում տաքսամոտորային փոխադրումներ իրականացնող տրանսպորտային միջոցների նկատմամբ։ Վերահսկողության արդյունքում 14 տրանսպորտային միջոցների նկատմամբ կազմվել են վարչական իրավախախտման արձանագրություններ՝ առանց համապատասխան լիցենզիայի փոխադրումներ իրականացնելու հիմքով։ 

Գարեգին Խաչատրյանը «ընկել է» նաև ՀՀ ընդհանուր օգտագործման ավտոմոբիլային ճանապարհներով բեռնափոխադրում իրականացնող ծանրաքաշ տրանսպորտային միջոցների հետևից: 12 տրանսպորտային միջոցի վերաբերյալ կազմվել են համապատասխան արձանագրություններ և նշանակվել տուգանքներ:

Կամ մեկ այլ օրինակ՝ Խաչատրյանի ենթակաները ամիսներ առաջ հրդեհատեխնիկական հետազոտություն են իրականացրել Երևան քաղաքի Արշակունյաց 210/1 հասցեում գտնվող «Եռանկյունի առկենտ» ՍՊԸ-ում՝ տեխնիկական և հրդեհային անվտանգության նորմատիվ փաստաթղթերի պահանջների պահպանման նկատմամբ։ Պարզվել է որ առկա են բազմաթիվ թերացումներ և խախտումներ, արդյունքում էլ ՍՊԸ գործունեությունը ամբողջությամբ դադարեցվել է, ինչի մասին էլ տեսչական մարմինը հպարտորեն ավետել էր: Սակայն, թերևս ալարել են վերստուգումներ իրականացնել, ինչի արդյունքում ՍՊԸ-ն աշխատանքը վերսկսելուց հետո այստեղ հրդեհ էր բռնկվել:

Հիշենք նաև, թե ինչպիսի «մասկի-շոու»-ի զուգորդությամբ էր տեսչական մարմինն ամիսներ առաջ մտել Ոսկու շուկա և որոշում կայացրել ժամանակավորապես դադարեցնել վերջինիս գործունեությունը:

Հարց է առաջանում՝ հանրության անվտանգության համար ի՞նչն է ավելի վտանգավոր՝ բենզա կամ գազալցակայանը՞, տաքսու վարորդներն ու Կամազի «շոֆեռները», ոսկու շուկայի աշխատակիցները՞, թե՞ կասկածելի բարոյական բարքեր տարածող և քարոզող, բացահայտ օրենքից դուրս գործող, քաղաքացիներին բազմաթիվ անհարմարություններ պատճառող գիշերային ակումբը, ուր հաճախում են բազմաթիվ երիտասարդներ և որը տեսչական մարմնի ղեկավար Գարեգին Խաչատրյանի թեթև ձեռքով և չի բացառվում նաև՝ անձնական շահագրգռվածության արդյունքում, շարունակում է անխափան աշխատել: Ի՞նչ է սա, եթե ոչ աշխատանքի բուռն իմիտացիա և բացահայտ երկակի ստանդարտների կիրառում, մի դեպքում, երբ Գարեգին Խաչատրյանի լիազորության շրջանակներում գտնվող բազմաթիվ ոլորտներում առկա են բացեր և խնդիրներ, որոնք օպերատիվ լուծումներ են պահանջում: Սակայն Խաչատրյանի ղեկավարած կառույցը նախընտրում է ոչ թե գործով զբաղվել, այլ հարկատուների գրպանի հաշվին թիթեռ նկարել և շոուներ կազմակերպել, ինչի արդյունքում, որոշ տեղեկությունների համաձայն, թեթևաբարո աղջիկների «առևտուրը»՝ էսկորտ ծառայությունների տեսքով, ծաղկում է՝ մեծ վնաս հասցնելով հասարակությանը:

Այս թեմայով Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան «Չեմ համակերպվում, որ էլ ամառ չէ». Էվա Խաչատրյան Ճիշտ առաջնորդություն ու ճիշտ կազմակերպում և ամեն ինչ կարող ենք վերադարձնել․ Խաչատրյան Կ․ Պոլսի Հայոց Պատրիարքը ժամանեց Մայր Աթոռ Սուրբ Էջմիածին. նա առանձնազրույց է ունեցել Գարեգին Բ-ի հետ