58-ամյա Վենսան Կասելը չորրորդ անգամ հայր է դարձել

58-ամյա դերասան Վենսան Կասելը Instagram-ի իր էջում կիսվել է ուրախալի լուրով՝ չորրորդ անգամ հայր դառնալու մասին։

Գրառման մեջ դերասանը հրապարակել է «Caetano» անունով դեղին-կանաչ շապիկի լուսանկար՝ հավանաբար ակնարկելով, որ որոշել է որդուն այդպես անվանել։ «Գուշակիր, թե ով է ծնվել 2025 թվականի հունվարի 7-ին.. արդեն խելացի, լի առողջությամբ, սիրով ու պոեզիայով։ Աշխարհի ամենազիլ տղան»,- մակագրել է դերասանը գրառումը։

Սա դերասանի և նրա սիրելիի՝ 28-ամյա բրազիլացի մոդել Նառա Բապտիստայի առաջին երեխան է։

1999 թվականից մինչև 2013 թվականը Վենսան Կասելը ամուսնացած է եղել Մոնիկա Բելուչիի հետ և ունեն երկու դուստր՝ Դևան և Լեոնին։ Բրազիլացի մոդել Թինա Կունակիի հետ հարաբերություններում դերասանն ունեցավ երրորդ դստերը՝ Ամազոնին։ Կունակին և Կասելը օրինականացրել են իրենց հարաբերությունները 2018 թվականին և բաժանվել 2023 թվականին։