Չինաստանում պատժել են բասկետբոլիստին՝ ընկերուհուն ճամպրուկի մեջ հյուրանոց տանելու համար (լուսանկար)

Չինական «Գուանչժոու Լունգ Լայընս»–ի բասկետբոլիստ Չժան Սինլյանը պատժվել է այն բանի համար, որ իր ընկերուհուն ճամպրուկի մեջ համազգեստի հետ հյուրանոց է բերել։ Այս մասին գրում է Shanghai Daily հրատարակությունը։

Աղբյուրի համաձայն՝ դա տեղի է ունեցել հունվարի 5-ին «Ցինդաո Դաբլսթար»-ի դեմ թիմի արտագնա հանդիպումից առաջ։ Սինլյանը ցանկացել է ժամանակ անցկացնել սիրելիի հետ և օգնել նրան ուսման հարցում։ Նրա գործողությունների մասին հայտնի է դարձել այն բանից հետո, երբ աղջիկը նոր լուսանկարներ է հրապարակել Weibo սոցիալական ցանցում։ Դրանցից մեկում երևում էր, թե ինչպես է նա մտնում ճամպրուկի մեջ, իսկ մյուսում կեցվածք էր ընդունել մարզիկի հետ։ Ավելի ուշ լուսանկարները հեռացվել են։

«Գուանչժոու Լունգ Լայընս»–ի ղեկավարությունն ու մարզչական շտաբը որոշել են բասկետբոլիստին իր պահվածքի պատճառով հեռացնել առաջիկա հանդիպումներից։ Դեռ հայտնի չէ, թե քանի խաղ նա բաց կթողնի։ Ինքը՝ Սինլյանը, ներողություն է խնդրել կատարվածի համար։

Հանդիպումը, որից առաջ տեղի է ունեցել միջադեպը, ավարտվել է 103:90 հաշվով՝ հօգուտ «Ցինդաո Դաբլսթար»-ի։