Պոդոլյակը հայտարարել է, որ ՄԱԿ–ը «ֆիկտիվ կազմակերպություն» է

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը ուկրաինական «Channel 24» հեռուստաալիքին տված հարցազրույցում ասել է, որ Կիևը չի ակնկալում Ուկրաինայում իրավիճակի հետ կապված ՄԱԿ-ի դիրքորոշման փոփոխություն։

Ըստ Պոդոլյակի՝ ՄԱԿ-ը «ֆիկտիվ կազմակերպություն» է, և դրանից արդյունավետ ոչինչ սպասել պետք չէ։ Միևնույն ժամանակ նա նշել է, որ Ուկրաինայի առաջնորդ Վլադիմիր Զելենսկին ելույթ կունենա ինչպես Գլխավոր ասամբլեայում, այնպես էլ ՄԱԿ-ի Անվտանգության խորհրդում, քանի որ «սա տեղեկատվական մեծ հարթակ է»։

«Եվ նա (Զելենսկին - Gazeta.ru) կխոսի պատերազմի մասին՝ իր բոլոր ասպեկտներով, այդ թվում՝ ցեղասպանության։ Դա չի հանգեցնի ՄԱԿ-ի դիրքորոշման մեջ էական փոփոխության»,- ասել է Ուկրաինայի նախագահի գրասենյակի խորհրդականը։

Ըստ Պոդոլյակի՝ ՄԱԿ-ը գոյություն չունի՝ որպես որեւէ բանի վրա ազդող ինստիտուտ։ Նա կարծում է, որ համաշխարհային կազմակերպությունը կշարունակի համապատասխան ներդրումներ հավաքել և ֆինանսավորել Ուկրաինայում խախտումների վերաբերյալ ՄԱԿ-ի հանձնաժողովի աշխատանքը՝ նորվեգացի դատավոր Էրիկ Մեսեի գլխավորությամբ։

«Նա չի տեսնում Ռուսաստանի կողմից ցեղասպանության որևէ դրսևորում այս պատերազմում։ Ուստի պետք չէ ՄԱԿ-ից որեւէ արդյունավետ բան ակնկալել»,- ասել է Պոդոլյակը։