Հեղափոխականների՝ 10 պայթած քարոզչական փուչիկները

Վերլուծական 16 Սեպտեմբեր, 2023 22:32

Այս իշխանությունները հեղինակ են բազմաթիվ քարոզչական փուչիկների, որոնք որոշակի ժամանակ անց պայթել են՝ վեր հանելով ՔՊ-ականների մանիպուլյացիաները և նեղ քաղաքական շահերի սպսարկմանն ուղղված գործողությունները:

2018-ին այն ժամանակ դեռևս սփյուռքի նախարար Մխիթար Հայրապետյանը հետևյալ գրառումն էր կատարել՝ «Քիչ առաջ տեսակապի միջոցով հանդես եկա ուղերձով «Հայաստան» հիմնադրամի և ARTN հեռուստաընկերության համատեղ ջանքերով կազմակերպված թելեթոնին, որի նպատակն է նոր կահավորված բնակարաններով ապահովել Գյումրիի «դոմիկներում» ապրող ընտանիքներին: Իմ խոսքում ասացի, որ եկել է ժամանակը, երբ Հայաստանի Հանրապետությունը պետք է լինի ոչ թե գոյատևելու վայր, այլև արժանապատիվ ու երջանիկ ապրելու հայրենիք: «Դոմիկները» Հայաստանում այլևս անելիք չունեն, սակայն դրան հասնելու համար հարկավոր է մեկտեղել մեր ջանքերը, լինել միասնական, մեկմեկու հանդեպ հոգատար: ՀՀ քաղաքացին պետք է լինի ու ապրի արժանապատիվ, դրան այլընտրանք չկա»:

Իշխող «Քաղաքացիական պայմանագիր» (ՔՊ) կուսակցության Գյումրու գրասենյակը հուլիսի 1-ին ֆեյսբուքյան էջում մի լուսանկար հրապարակեց, որը միանգամից տարածվեց սոցցանցերում։

Այդ լուսանկարում ևս նշվում էր, որ «ՀՀ վարչապետի հանձնարարականով 2020-ին երկրաշարժից տուժած 457 ընտանիքի բնակարանով ապահովելու համար հատկացվելու է 3 միլիարդ դրամ, ու այս հարցը մեկընդմիշտ լուծվելու է»։

Վահագն Ալեքսանյանը նույնպես կիսվել էր այս գրառմամբ և գրառում կատարել։

Նիկոլ Փաշինյանը կառավարության նիստերից մեկի ժամանակ նույնպես սենսացիոն տեղեկություններ էր հայտնել՝ աննախադեպ ձեռքբերումներով հպարտանալով։

Այն, որ աղետի գոտի հասկացության մասին շուտով կմոռանանք, հայարարում էր նաև Լոռու այն ժամանակվա մարզպետ Անդրեյ Ղուկասյանը։

Կառավարության նախորդ տարվա նիստերից մեկում հավանության արժանացավ ՀՀ և Վերակառուցման և զարգացման միջազգային բանկի միջև ««ԵՄ-ն հանուն նորարարության ծրագիր» դրամաշնորհային համաձայնագիր թիվ 1 փոփոխությունը», որը նախատեսվում է Հայաստանին տրամադրել 4,106,000 եվրո դրամաշնորհ: Այն ուղղվելու էր Տավուշի դպրոցներում բնագիտական առարկաների համար նախատեսված լաբորատորիաների ստեղծման համար։ Արդյո՞ք Տավուշի մարզպետ Ղալումյանը ավարտին է հասցրել այս ծրագիրը, քանի որ մարզպետարանի պաշտոնական կայքում որևէ հիշատակում այդ մասին չկա։

Նիկոլ Փաշինյանի խոսքով՝ մինչեւ 2023-ի վերջը Հայաստանում կստեղծվի արբանյակի կառավարման կենտրոն եւ ընդունիչ կայան, ինչի շուրջ կձեւավորվի մասնագետների գիտագործնական թիմ։ Փաշինյանի այս հայտարարությունից հետո քաղաքական իշխանության ներկայացուցիչների մոտ «մի քեֆ, մի ուրախություն է», խորհրդարանական «Քաղաքացիական պայմանագիր» խմբակցության անդամները, իրար հերթ չտալով, հպարտանում ու գլուխ են գովում, թե իրենց հաջողվեց անգամ տիեզերքի հետ «կապ հաստատել»: ՔՊ-ականների խելակորույս խանդավառությունը ԱԺ փոխնախագահ Հակոբ Արշակյանի՝ մոտ երկու տարի առաջ արված հայտարարությամբ կտրենք: «Այս պահին Հայաստանի համար նպատակահարմար չէ ունենալ մեկ ամբողջական արբանյակ»,- պատերազմից ուղիղ երկու ամիս առաջ՝ օգոստոսի 26-ին, հայտարարում էր այդ ժամանակվա ԲՏԱ նախարարը: Ի դեպ, հայկական արբանյակի աշխատանքի ՕԳԳ-ն այդպես էլ չտեսանք:

Կապանի օդանավակայանը ավագանու ընտրություններում իշխող ուժի նախընտրական «փուչիկ ու օդ» խոստումներից էր։ Թե ինչպես է գործում օդանավակայանը այսօր, իսկ ավելի ճիշտ կլինի ասել՝ ինչպես չի գործում, տեսնում ենք բոլորս:

Հիշում ենք, թե քանի տարի էր Արարատի մարզում կոկորդիլոսաբուծարան հիմնելու մասին հայտարարում այն ժամանակ մարզպետի պաշտոնը զբաղեցնող Գարիկ Սարգսյանը: Նրան, սակայն, լիակատար ֆիասկո էր սպասում, իսկ գործարանի կառուցումը ոչ այլ ինչ էր, քան պարզ քարոզչական փուչիկ: