Լեոնարդո Դի Կապրիոյին լուսանկարել են մոդելի հետ ժամադրության ժամանակ

Հոլիվուդյան դերասան Լեոնարդո Դի Կապրիոյին «բռնացրել» են մոդել Վիտորիա Չերետիի հետ ժամադրության ժամանակ։ Daily Mail-ը հրապարակել է սիրահարների նոր լուսանկարներ։

Պապարացիները լուսանկարել են հայտնիներին հունվարի 14-ի երեկոյան։ 49-ամյա Լեոնարդո Դի Կապրիոյին և 25-ամյա Վիտորիա Չերետիին լուսանկարել են Nobu ռեստորանից դուրս գալիս։

Լեոնարդո դի Կապրիոյի և Վիտորիա Չերետիի սիրավեպի մասին լուրերը հայտնվեցին 2023 թվականի մայիսին։ Այն ժամանակ հայտնիներին նկատել էին Կաննում զբոսնելիս։ Սեպտեմբերի սկզբին դերասանն ու մոդելը լուսանկարվել էին Իբիցայի գիշերային ակումբներից մեկում համբուրվելիս։

2022 թվականի օգոստոսին Լեոնարդո Դի Կապրիոն բաժանվեց մոդել Կամիլա Մորրոնից։ Հայտնիները հանդիպել են մոտ հինգ տարի, սակայն սոցիալական ցանցերում համատեղ լուսանկարներ չեն հրապարակել։