Սայաթ-Նովայից մինչև Նալբանդյան փողոց ընկած հատվածի սրճարանները և այլ շինությունները կքանդվեն․ խոսնակ

Օղակաձև այգու 4-րդ հատվածի՝ Սայաթ-Նովա փողոցից մինչև Նալբանդյան փողոց ընկած հատվածն ամբողջությամբ կվերակառուցի և կբարեկարգվի: Այդ մասին ֆեյսբուքյան էջում հայտնում է քաղաքապետարանի խոսնակ Հայկ Կոստանյանը․

«Նշված հատվածում գործող բոլոր սրճարանները, տարաբնույթ այլ շինությունները կքանդվեն:

Այդ թվում՝

Տաշիր պիցցա,

Լաբիրինտ,

Նովելլա մյուզիք հոլ,

Մոնտանա մյուզիք հաուս,

Հուկահ լաունջ & Ռումս,

և այլ շինություններ, կրպակներ:

Այգում հանրապետական և տեղական նշանակության մի խումբ հուշարձանների ճանաչողական զբոսաշրջության կազմակերպման համար, համալիր կվերականգնվի և կօգտագործվի այգում առկա պատմամշակութային ժառանգություն հանդիսացող առկա ռեսուրսը, դրանց շրջակայքը կբերվի պատշաճ տեսքի»,- մանրամասնել է խոսնակը։