Թուրքիայում որակազրկված իսրայելցի ֆուտբոլիստը վերադարձել է հայրենիք

Թուրքական «Անթալյասպոր» ակումբի ֆուտբոլիստ Սագիվ Յեհեզկելը վերադարձել է Իսրայել։ Այս մասին հաղորդում է Gazeta.ru–ն։

Մարզիկը ինքնաթիռի դիմաց լուսանկարվել է Իսրայելի դրոշի հետ։

Հունվարի 14-ին թուրքական դատախազությունը քրեական գործ էր հարուցել «Անթալյասպոր» ֆուտբոլային ակումբի իսրայելցի կիսապաշտպանի դեմ՝ կիրակի օրը «Տրաբզոնսպորի» հետ խաղի ընթացքում Գազայում Իսրայելի գործողություններին աջակցող թևկապ կրելու համար։

Դրանից հետո թիմի ղեկավարությունը որոշեց որակազրկել խաղացողին՝ պատճառաբանելով, որ խաղացողը գործել է Թուրքիայի ազգային արժեքներին հակառակ։