Հյուսիսային Կորեան նոր տիպի ռազմավարական թևավոր հրթիռ է արձակել
Աշխարհ
ԿԺԴՀ հրթիռային գիտության գլխավոր վարչությունն իրականացրել է նոր տեսակի ռազմավարական թևավոր հրթիռի՝ Pulhwasal-3-31-ի առաջին փորձնական արձակումը, որը մշակման փուլում է, հայտնում է Հյուսիսային Կորեայի Կենտրոնական հեռագրային գործակալությունը:
Ինչպես հայտնել էինք, չորեքշաբթի օրը հարավկորեացի զինվորականները հայտնել են, որ ԿԺԴՀ-ն մի քանի թևավոր հրթիռ է արձակել Դեղին ծովի ուղղությամբ։
«Այս փորձնական արձակումը որևէ ազդեցություն չի ունեցել շրջակա երկրների անվտանգության վրա և որևէ կապ չունի տարածաշրջանում տիրող իրավիճակի հետ», - ասվում է հաղորդագրության մեջ։
Բացատրվում է, որ փորձարկումը «զենքի համակարգերի շարունակական թարմացման» գործընթացի մի մասն է, որը գտնվում է վարչությանը ենթակա հրթիռային գիտության գլխավոր տնօրինության և Ազգային պաշտպանության գիտահետազոտական ինստիտուտի «կանոնավոր և պարտադիր գործունեության» շրջանակներում։
Անցյալ շաբաթ KCNA-ն հայտնել էր, որ Հյուսիսային Կորեան փորձարկել է ստորջրյա միջուկային զենք՝ ի նշան բողոքի Հարավային Կորեայի, ԱՄՆ-ի և Ճապոնիայի համատեղ զորավարժությունների դեմ:
Ամենադիտված 
Մնաս բարյավ. Րաֆֆի Հովհաննիսյան
