Հունգարիայի հետախուզական ծառայությունները կանխել են երկրում իշխանության զավթումը

Հունգարիայի հետախուզական ծառայությունները պնդում են, որ կանխել են երկրում իշխանության զավթումը «Սկյութական Հունգարիա» անօրինական խմբավորման կողմից։ Այս մասին հայտնում է Հունգարիայի ազգային ոստիկանության վարչությունը, գրում է Kommersant-ը։

Ութ կասկածյալներ պատրաստվում էին զավթել իշխանությունը երկրում և սպառնում էին զինաթափել հունգարացի ոստիկաններին և զինվորականներին, եթե դիմադրեն, սակայն Հետաքննությունների ազգային բյուրոն ձախողել է նրանց ջանքերը, ասվում է զեկույցում:

Ընդհանուր առմամբ, ձերբակալվել է 11 մարդ, որոնցից 8-ը՝ 7 տղամարդ և 1 կին, հարցաքննվել են` որպես կասկածյալ։

Խուզարկության ընթացքում քննիչները մի քանի վայրերում հայտնաբերել են զինամթերք, գնդացիրներ, գազային և ազդանշանային ատրճանակներ, ռետինե գնդակներ և օդաճնշական զենքեր։