Լուկաշենկոն աշխատանքային այցով մեկնել է Ռուսաստան

Բելառուսի նախագահ Ալեքսանդր Լուկաշենկոն աշատանքային այցով մեկնել է Ռուսաստան, հայտնում է ԲԵԼՏԱ-ն։

Լուկաշենկոն կմասնակցի ֆաշիստական շրջափակումից Լենինգրադի ազատագրման 80-ամյակին նվիրված միջոցառումներին։

Սանկտ Պետերբուրգում տեղի կունենա Միութենական պետության Բաձրագույն պետական խորհրդի նիստ։ Օրակարգի գլխավոր հարցերից մեկը Միութենական պետության ստեղծման պայմանագրի դրույթների 2024-2026թթ. կատարմանն ուղղված փաստաթղթի նախագծի հաստատումն է և տարբեր ոլորտներում բելառուսառուսական համագործակցության հետագա զարգացման քննարկումը։ Կողմերը կամփոփեն 2021-23թթ. հիմնական ուղղությունների միջոցառումների և 28 միութենական ծրագրերի իրականացումը։

Բելառուսի և Ռուսաստանի նախագահները երկկողմ բանակցություններ կվարեն, որոնց ընթացքում կդիտարկեն բելառուսառուսական փոխգործակցության առավել հրատապ հարցերը, կքննարկեն միջազգային թեմաներ։