Հութիները Ադենի ծոցում հարձակվել են ԱՄՆ նավի վրա
Աշխարհ
Եմենի հութի ապստամբները հրթիռ են արձակել Ադենի ծոցում գտնվող ԱՄՆ ռազմածովային ուժերի նավի ուղղությամբ, երկուշաբթի հաղորդում են արևմտյան լրատվամիջոցները՝ վկայակոչելով խմբավորման խոսնակ, բրիգադային գեներալ Յահյա Սարիին։
Սարին ասել է, որ հութիները նախորդ գիշեր հրթիռ են արձակել Lewis B. Puller-ի վրա: Նշվում է, որ նավի խնդիրն է լոգիստիկ աջակցություն ցուցաբերել ԱՄՆ ռազմածովային ուժերին։
2023 թվականի հոկտեմբերի 7-ին ՀԱՄԱՍ-ը հարձակվեց Իսրայելի վրա։ Ի պատասխան՝ Իսրայելը գործողություն սկսեց ՀԱՄԱՍ-ի դեմ։ Այս իրադարձությունները ստիպեցին Մերձավոր Արևելքի մի շարք խմբավորումների ակտիվացնել հարձակումները Իրաքում և Սիրիայում ամերիկյան ուժերի դեմ: Եմենի հութի ապստամբներն իրենց հերթին սկսեցին կրակել Կարմիր ծովում գտնվող նավերի ուղղությամբ։
Զինված ապստամբ «Անսար Ալլահ» խմբավորումը, որի անդամները կոչվում են նաև հութիներ, ներկայումս վերահսկում են Եմենի զգալի մասը, ներառյալ մայրաքաղաք Սանան, ինչպես նաև Սաուդյան Արաբիայի մոտ գտնվող երկրի հյուսիսային և արևմտյան որոշ տարածքներ:
Ամենադիտված 
Մնաս բարյավ. Րաֆֆի Հովհաննիսյան
