Մասկը հայտնել է, որ մարդու ուղեղում առաջին անգամ նեյրոչիպ է տեղադրվել

Ամերիկացի գործարար Իլոն Մասկի Neuralink ընկերությունը առաջին նեյրոչիպ է տեղադրել մարդու ուղեղում։ Այս մասին գործարարը հայտնել է X սոցիալական ցանցում:

Ինչպես նշել է Մասկը, մարդու ուղեղում ներդրված սարքի աշխատանքի վերաբերյալ ստացված առաջին տվյալները խոստումնալից արդյունքներ են ցույց տալիս։

Մասկի խոսքով՝ անձը ներկայումս «հաջողությամբ ապաքինվում է» վիրահատությունից հետո։

Ավելի վաղ՝ սեպտեմբերի 19-ին, Neuralink-ը բացեց մասնակիցների գրանցումը մարդու ուղեղում նեյրոչիպերի իմպլանտացիայի վերաբերյալ առաջին կլինիկական հետազոտության համար: