Ճապոնիայում երկու մարդատար ինքնաթիռ է բախվել

Ճապոնիայի Օսակա քաղաքում գտնվող Itami օդանավակայանում բախվել է All Nippon Airways ավիաընկերության երկու մարդատար ինքնաթիռ, գրում է Kyodo-ն։

Միջադեպը տեղի է ունեցել Երևանի ժամանակով՝ ժամը 05:10-ին, ներքին տերմինալում։ Միջադեպի պատճառները չեն նշվում։

Նախնական տվյալներով՝ զոհեր և վիրավորներ չկան։

Հիշեցնենք, որ վերջերս Տոկիոյում նույնանման դեպք տեղի ունեցավ, որը, սակայն, ողբերգական ավարտ ունեցավ։ Հունվարի 2-ին Սապորոյից թռչող Japan Airlines ավիաընկերության մարդատար ինքնաթիռը վայրէջքից անմիջապես հետո բռնկվեց՝ DHC-8 ռազմական ինքնաթիռի հետ բախվելու պատճառով։ Չնայած այն հանգամանքին, որ ֆյուզելյաժն ամբողջությամբ այրվեց, բոլոր 379 ուղևորները ողջ մնացին։ Սակայն ռազմական ինքնաթիռի 5 ուղևորները զոհվեցին։