Մեդվեդևը հայտնել է, թե որ դեպքում ՆԱՏՕ-ի զինվորականները թիրախ կդառնան ՌԴ ԶՈւ–ի համար
Աշխարհ
ՆԱՏՕ-ի զինվորները, եթե տեղակայվեն Ուկրաինայում, կդառնան օրինական թիրախ ռուսական բանակի համար։ Այսպիսի հայտարարություն է արել ՌԴ Անվտանգության խորհրդի փոխնախագահ Դմիտրի Մեդվեդևը «VKontakte»-ի իր էջում։
Նա նախազգուշացրել է Ռուսաստանի կոշտ արձագանքի մասին, եթե Հյուսիսատլանտյան դաշինքի որևէ երկիր տրամադրի իր օդանավակայաններն Ուկրաինայի զինված ուժերին կամ իր զորքերը տեղակայի Ուկրաինայում:
«Նրանք, անշուշտ, օրինական թիրախ կդառնան մեր զինված ուժերի համար և անխղճորեն կոչնչացվեն որպես թշնամիներ»,- ասել է Մեդվեդևը։
Մինչ այս Մեդվեդևը վստահեցրեցել էր, որ Ռուսաստանը չի պատրաստվում հարձակվել ՆԱՏՕ-ի որևէ երկրի վրա։ Բայց եթե արևմտյան երկրները «ոտնձգություն կատարեն Ռուսաստանի ամբողջականության դեմ», ապա անմիջապես կստանան համարժեք պատասխան։
Ամենադիտված 
Մնաս բարյավ. Րաֆֆի Հովհաննիսյան
