Չեխիայի ԱԳՆ–ն հաստատել է Ադրբեջանում ՀՀ-ից սահմանը հատած քաղաքացու ձերբակալման մասին տեղեկությունը

Ինչպես ավելի վաղ հաղորդել էին ադրբեջանական լրատվամիջոցները, Ադրբեջանում ձերբակալվել է Հայաստանից սահմանն ապօրինի հատած Չեխիայի քաղաքացի։

Չեխիայի ԱԳՆ պաշտոնական ներկայացուցիչ Մարինա Վերներովան հաստատել է տեղեկությունը, ըստ որի՝ իրենց երկրի քաղաքացին ձերբակալվել է հայ-ադրբեջանական սահմանն ապօրինի հատելու փորձի ժամանակ։

Գերատեսչության խոսնակը հավելել է, որ դիվանագիտական ներկայացուցչությունը կապ է պահպանում ձերբակալվածի ընտանիքի հետ։