Ուկրաինուհին հրաժարվել է «Միսս Ճապոնիա» տիտղոսից

«Միսս Ճապոնիա 2024» մրցույթի հաղթող 26-ամյա ուկրաինուհի Կարոլին Շիինոն հրաժարվել է տիտղոսից ամուսնացած տղամարդու հետ սիրավեպի պատճառով։ Այս մասին հայտնում է Kyodo News-ը։

Չորեքշաբթի օրը՝ հունվարի 31-ին, Shukan Bunshun ամսագիրը հոդված է հրապարակել, որտեղ նյութի հեղինակները պնդում են, որ Շիինոն հարաբերությունների մեջ է ամուսնացած տղամարդու հետ, ով երեխաներ ունի։ Նշվում է, որ նա բժիշկ է և հայտնի է սոցիալական ցանցերում:

Դրանից հետո երկուշաբթի օրը՝ փետրվարի 5-ին, «Միսս Ճապոնիա» մրցույթի պաշտոնական կայքում հայտնվեց հաղորդագրություն՝ Շիինոյի՝ կոչումից զրկելու միջնորդության ընդունման մասին։

«Միսս Ճապոնիա» ասոցիացիայի նախագահ Կաորու Վադան ներողություն է խնդրել մրցավարներից, հովանավորներից և մրցույթի մյուս մասնակիցներից։ Նա նշել է, որ ընդունում է մի շարք սկանդալների պատասխանատվությունը, որոնք ծագել են շոուի արդյունքների և հաղթողի պահվածքի պատճառով։ Նա հավելել է, որ ոչ ոք չի նվաճի «Միսս Ճապոնիա» տիտղոսը մինչև 2024 թվականի վերջ։