Թրամփի դեմ մահափորձի մեջ կասկածվողը հավանաբար կամավորներ է հավաքագրել ՌԴ-ի հետ պատերազմի համար. BBC

Ուսումնասիրելով Ryan Routh անունով տղամարդու սոցցանցերի հաշիվները և լուսանկարները, որոնք հիշեցնողւմ են ձերբակալվածին, BBC Verify-ն պարզել է, որ նա, մասնավորապես Ռուսաստանի հետ պատերազմում եռանդագին աջակցել է Ուկրաինային։

Facebook-ում նրա որոշ գրառումներ (որտեղ այժմ նրա էջը թաքնված է) և մեկ տեսահարցազրույցից ենթադրվում է, որ նա կամավորներ էր հավաքագրում Ռուսաստանի հետ պատերազմի համար և մեկնել է Կիև:

«Զինվորներ, խնդրում եմ, ինձ մի զանգեք։ Դեռ փորձում ենք հասնել նրան, որ Ուկրաինան ընդունի զինվորներ Աֆղանստանից և հուսով ենք՝ առաջիկա ամիսներին ինչ-որ պատասխան կստանանք... խնդրում եմ, համբերություն ունեցեք»,- հուլիսին նշել է նա իր ֆեյսբուքյան գրառման մեջ:

«Ուկրաինային ռազմական օգնության վերաբերյալ Դոնալդ Թրամփի սառը դիրքորոշումը քարոզարշավի կարևոր թեմաներից է, և հուսով ենք՝ Ուկրաինայի հետ կասկածյալի հնարավոր կապերի մասին ավելի շատ մանրամասներ կլսենք», - գրում է BBC Verify-ն:

Ռայան Ռութի անունով սոցիալական ցանցերի հաշիվները պարունակում են նաև պաղեստինցիներին աջակցող, ինչպես նաև Չինաստանի դեմ Թայվանին աջակցող հայտարարություններ, ներառյալ մեղադրանքներ, ըստ որոնց Չինաստանը կենսաբանական պատերազմ է մղում և որ այդ երկիրը կանխամտածված կորոնավիրուս է տարածել ամբողջ աշխարհում: 

Ձերբակալվածի հայացքների ու դրդապատճառների, և առհասարակ նրա անվան ու անձի մասին առնչվող ոչ մի պաշտոնական տեղեկություն ԱՄՆ իրավապահ մարմինները դեռևս չեն հայտնել։

Աղբյւրը` News.am