Նիգերիայում ջրհեղեղներից օգտվելով՝ հարյուրավոր բանտարկյալներ փախել են բանտից

Նիգերիայի հյուսիս-արևելյան Մայդուգուրի քաղաքի բանտից փախել է 281 բանտարկյալ։ Նրանց փախուստին նպաստել ենէ հորդառատ անձրևները, որոնցից առաջացած լայնածավալ ջրհեղեղից ամբարտակ է փլուզվել, հայտնել են հաստատության ներկայացուցիչները։  Գրում է news.am-ը։

Ըստ բանտի պաշտոնական ներկայացուցիչ Ումար Աբուբաքարի՝ բանտարկյալներին, նրանց թվում՝ իսլամիստական ​​«Բոկո Խարամ» խմբավորման անդամներին, հաջողվել է փախչել, երբ ջրի հզոր հոսքի պատճառով բանտի պատերից մեկը փլուզվել է, գրում է գերմանական Deutsche Welle պարբերականը։ Փախուստի դիմածներից ոմանք, ըստ Աբուբաքարի, արդեն բռնվել են։ Մնացածների ինքնությունն արդեն հաստավել է և նրանց որոնումները շարունակվում են։

Արևմտյան և Կենտրոնական Աֆրիկայում սաստիկ ջրհեղեղների հետևանքով տասնյակ հազարավոր տներ են ավերվել։ Ըստ աղետների կառավարման NEMA գործակալության վերջին տվյալների՝ Նիգերիայում շաբաթներ տևած ջրհեղեղները 229 մարդու կյանք են խլել, ջրհեղեղների պատճառով  386 հազար մարդ է տարհանվել: