Ռուսաստանում առանց մակնշման հագուստի վաճառքը կարգելվի

Ռուսաստանում սեպտեմբերի 15-ից կարգելվի առանց մակնշման ապրանքների վաճառքը՝ ըստ կառավարության համապատասխան որոշման, հայտնում է РИА Новости-ն։

Նորամուծությունը վերաբերում է այնպիսի ապրանքների, ինչպիսին են տաբատները, կոստյումները, կիսաշրջազգեստները, զգեստները, բլեյզերները, բլուզները,  վերնաշապիկները, սպորտային և դահուկային կոստյումները, վերնազգեստը, շալերը, շարֆերը և փողկապը, ինչպես նաև հագուստի որոշ այլ տարրեր։

Մինչ օրս այդ ապրանքների շրջանառությունը և շրջանառությունից դուրս գալը թույլատրվում էր, եթե դրանք արտադրվել կամ ներմուծվել են Ռուսաստանի տարածք մինչև 2024 թվականի ապրիլի 1-ը՝ թեթև արդյունաբերության ապրանքների պարտադիր մակնշման սկիզբը։

news.am