Դիմակավորված անձինք Դիլիջանի «Հոթել իքս» հյուրանոցից գողացել են 14 հեռուստացույց․ հասցվել է մոտ 1 մլն դրամի վնաս

Սեպտեմբերի 12-ին՝ ժամը 09։25-ի սահմաններում, ՀՀ ներքին գործերի նախարարության ոստիկանության Դիլիջանի բաժին է զանգահարել Երևանի բնակիչ 63-ամյա Արամ Մ․-ն և հայտնել, որ գիշերը Սարալանջի փողոցի 2-րդ նրբանցքում գտնվող «Հոթել իքս» հյուրանոցից դիմակավորված անձինք գողացել են հեռուստացույցներ, և դրա վերաբերյալ առկա է տեսաձայնագրություն:

Ինչպես հայտնում է Shamshyan.com-ը, մեկնել են ոստիկանության Դիլիջանի բաժնի օպերատիվ խումբը, քննչական բաժնի խումբը և փորձագետը։

Արդեն տեղում Արամ Մ․-ն ոստիկաններին ու քննիչներին հայտնել է, որ սեպտեմբերի 12-ին՝ ժամը 00։50-ից մինչև ժամը 02։00-ն ընկած ժամանակահատվածում, երկու դիմակավորված անձ, որոնք երևում են տեղադրված տեսանկարահանող սարքերով, եվրոպատուհանը հրել-բացելու միջոցով ապօրինի մուտք են գործել Սարալանջի փողոց 2-րդ նրբանցք 2/1 հասցեում գտնվող՝ ՌԴ քաղաքացի 74-ամյա Ռոբերտ Հ․-ին պատկանող՝ իր տնօրինությանը հանձնված «Հոթել իքս» ՍՊԸ ցանկապատված տարածքի երկու հարակից քոթեջ և այնտեղից գողացել 14 հատ տարբեր տեսակի հեռուստացույց: Ըստ Արամ Մ․-ի՝ պատճառված վնասի չափը կազմում է շուրջ 1 մլն դրամ:

Ոստիկանության Դիլիջանի բաժնի ծառայողները ձեռնարկում են միջոցառումներ՝ հանցագործությունը կատարած անձանց և գողոնը հայտնաբերելու ուղղությամբ:

Դեպքի փաստով Դիլիջանի քննչական բաժնում նախաձեռնվել է քրեական վարույթ։

Արամ Մ․-ն «Հոթել իքս» հյուրանոցի տնօրենն է։

Այս թեմայով Երեւանում ավարտին է հասցվել 130 կիլովատ հզորությամբ արևային էլեկտրակայանների կառուցումը Հաղարծինի գյուղապետարանի մոտ կրակոցներ են հնչել Սեպտեմբորի 27-ին Չինական մեծ պատի մոտ կմեկնարկի Հայաստանի մշակութային օրերը. Արմեն Մխիթարյան 16-ամյա աղջկա մոտ ախտորոշվել է քաղցկեղի մի տեսակ, որը սովորաբար հանդիպում է տարեց մարդկանց մոտ 16-ամյա աղջկա մոտ ախտորոշվել է քաղցկեղի մի տեսակ, որը սովորաբար հանդիպում է տարեց մարդկանց մոտ