Տղամարդը 15 տարվա ազատազրկման է դատապարտվել ռեզյումեում կեղծ տվյալների համար

Հարավային Աֆրիկայում դատավճիռ է կայացվել 49-ամյա Դանիել Մթիմխուլուի գործով, ով մեղադրվում է խարդախության և իր ռեզյումեում կեղծ տեղեկություններ տեղակայելու համար։ Այս մասին գրել է BBC News-ը։

Մթիմխուլուն հինգ տարի աշխատել է որպես պետական երկաթուղային ընկերության գլխավոր ինժեներ և ստացել տարեկան 2,8 մլն ռենդ։ Տղամարդը հավաստիացրել է, որ ավարտել է Վիտվաթերսրանդի համալսարանը, ասպիրանտուրան ավարտել է Գերմանիայում, պաշտպանել է թեկնածուական ատենախոսություն և ունի մի քանի դիպլոմներ իր ոլորտում։

2015 թվականին նրան խաբեության մեջ էին բռնել, ապա ձերբակալել։ Հետաքննությունը պարզել է, որ իրականում Մթիմխուլուն սովորել է միայն միջնակարգ դպրոցում և չունի բարձրագույն կրթություն կամ կրթական աստիճան:

Գործի քննությունը ձգձգվել է մոտ տասը տարի և ավարտվել մեղադրական դատավճռով։ Դատարանը նախկին ինժեներին դատապարտել է մինչև 15 տարվա ազատազրկման։

Աղբյուր` Փաստինֆո