Հայաստանում հերքել են Ադելիա Պետրոսյանին ՀՀ հավաքական հրավիրելու մասին տեղեկությունը

Հայաստանի գեղասահքի ֆեդերացիան Ռուսաստանի չեմպիոնուհի Ադելիա Պետրոսյանի տեղափոխության վերաբերյալ հարցում չի ուղարկել։ Այս մասին ՌԻԱ Նովոստիին հայտնել է կազմակերպության փոխնախագահ Արի Զաքարյանը:

«Հայկական ֆեդերացիայից Ադելիա Պետրոսյանի վերաբերյալ որևէ հարցում չի եղել։ Մենք առաջին անգամ ենք լսում այդ մասին։

Չգիտենք, թե ով է կապվել Ադելիայի հետ, տարբեր մասնագիտությունների մարդկանց միջև շփումը ոչ ոք չի չեղարկել։ Սակայն հայկական ֆեդերացիայից ոչ մի պաշտոնական հայտ չի եղել։ Եթե այն մարդը, որն իբր կապ է հաստատել Ադելիայի հետ, գոյություն ունի, ես շատ կուզեի ծանոթանալ նրա հետ։ Կարծում եմ՝ ինձ գտնելը նրա համար դժվար չի լինի»,-ասել է Զաքարյանը։