Ռուսաստանում Սու-34 է կործանվել. անձնակազմը զոհվել է

Ռուսաստանի օդատիեզերական ուժերի Սու-34 ինքնաթիռը կործանվել է Հյուսիսային Օսիայի լեռներում` պլանային ուսումնական թռիչքի ժամանակ։ Ինքնաթիռի անձնակազմը զոհվել է, հայտնում է ՌԴ ՊՆ-ն։

«Ինքնաթիռը կործանվել է ամայի տարածքում», - ասվում է գերատեսչության հաղորդագրության մեջ:

Նախնական տվյալներով՝ վթարի պատճառը կարող էր լինել տեխնիկական անսարքությունը։

Ինչպես հայտնում է ТАСС-ը՝ վկայակոչելով հանրապետության օպերատիվ ծառայությունները, ինքնաթիռում երկու օդաչու է եղել։

Սու-34-ը բազմաֆունկցիոնալ առաջնային գերձայնային կործանիչ-ռմբակոծիչ է։ Իր մարտական ​​հնարավորություններով՝ ինքնաթիռը պատկանում է 4++ սերնդին։