Բասկետբոլի ընտրանին 3x3 Եվրոպայի առաջնությունում պարտություններ է կրել

Հայաստանի բասկետբոլի թիմը մասնակցեց Կոսովոյի Պրիշտինա քաղաքում կայացած 3x3 Եվրոպայի առաջնությանը:

Խաղային առաջին օրը Հայաստանը պարտվեց Ադրբեջանի և Կիպրոսի հավաքականներին, իսկ խաղային երկրորդ օրը պարտություն կրեց Ալբանիայի և Կոսովոյի թիմերից:

Մինչև 19 տարեկան բասկետբոլիստների Հայաստանի հավաքականը հանդես էր գալիս Արեգ Վաթյանի գլխավորությամբ: Այս մրցաշարին մասնակցելով՝ Հայաստանն առաջին վարկանիշային միավորները վաստակեց։

Վերջին անգամ Հայաստանն ընտրական փուլի հանդիպումներին մասնակցել էր 2014 թվականին։