«Տարբեր աշխարհաքաղաքական կենտրոններից կապվել են ու ասել՝ ձեր ժողովուրդն է հարց լուծողը, ոչ թե մենք». Սրբազան
Հասարակություն
Ինձ ասում են՝ ասա, թե ինչ աշխարհաքաղաքական ուժեր են աջակցում ձեզ։ Եթե ասեմ, դրանից ի՞նչ է փոխվելու մեր կյանքում, ոչինչ: Այս մասին, Հանրապետության հրապարակում մեկնարկած հանրահավաքի ժամանակ ասել է շարժման առաջնորդ Բագրատ Սրբազանը:
«Այո, կապվել են տարբեր ուղղություններից, միջնորդավորված կամ ուղիղ, բայց այդ մարդիկ ասում են՝ ձեր ժողովուրդն է հարց լուծողը, ոչ թե մենք։ Այո, մեր ժողովուրդն է հարց լուծողը։ Բարեկամություն ու դաշնակցություն պետք է լինի, բայց մեր ժողովուրդն է հարց լուծողը»,- ընդգծեց նա:
Սրբազանը նաև նկատեց` բոլոր աշխարհաքաղաքական հարաբերություններում պիտի լինի հայոց պետականության օրակարգը, ո՛չ մուրացկանություն, ո՛չ ծառայամտություն։
«Ոչ մի կենտրոնի պետք չէ ծնկած մարդն ու պետությունը»,- շեշտեց նա:
Հիշեցնենք, որ այս րոպեներին Հանրապետության հրապարակում տեղի է ունենում «Տավուշը հանուն հայրենիքի» շարժման հրավիրած հանրահավաքը:
Սիլվի Մուրադյան
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
