Գերլարված իրավիճակ ՍԴ-ի դիմաց

Լարված իրավիճակ է Սահմանադրական դատարանի մոտ։ Ավելի վաղ հայտնել էինք, որ այդտեղ են հասել Սրբազան պայքարի առաջնորդն ու իր կողմնակիցները։ 

Վիճաբանություն սկսվեց Սրբազան պայքարի անդամ, ԱԺ «Հայաստան»խմբակցության պատգամավոր Գառնիկ Դանիելյանի և ոստիկանների միջև։ 

Ոստիկանները փորձեցին հասկանալ, թե ինչ ակցիա է իրականացվում և արդյո՞ք այն օրենքի շրջանակում է կատարվում։

Գառնիկ Դանիելյանը պնդեց՝ իրեն վիրավորել են ոստիկանության ծառայողները ու հորդորեց իր հետ պատշաճ խոսել։ Ոստիկաններն էլ Դանիելյանին և պայքարի մասնակիցներին կոչ արեցին հետ գնալ ու բարձր չխոսել իրենց հետ։ 

«Նախապես ո՞ւմ զեկուցենք, Ալիևի՞ն։ Պաստա՞ռ պահելու համար պետք է զեկուցենք, մենք մեր երկրում ենք, որտեղ կուզենք ու ինչ կուզենք կանենք»,– նշեց Դանիելյանը։ 

Ավելի վաղ Հանրապետության հրապարակում հանրահավաքից հետո Սրբազան շարժման մասնակիցներ երթով գնացել են ՍԴ ` հանրայնացնելու ու ամոթի, անարգանքի սյունին գամելու բոլոր այն դատավորներին, որոնք սահմանադրական են ճանաչել սահմանազատման հանձնաժողովների աշխատանքի կանոնակարգը։ 

 Սիլվի Մուրադյան