Հայտնել են սուրճի վնասը նվազեցնելու միջոցը

Սուրճի չարաշահումը մեծացնում է կարիեսի վտանգը եւ ատամների վրա դեղին ատամնափառի առաջացման պատճառ է դառնում, նախազգուշացրել է ատամնաբույժ Ջոյս Կանգը: Ինչպես գրում է Daily Mirror-ը, նա միջոց է առաջարկել՝ նվազեցնելու առույգացնող ըմպելիքի վնասը։

Սուրճի սիրահարներին Կանգը խորհուրդ է տվել չհրաժարվել խմիչքից, բայց փորձել ամբողջ օրն անընդհատ չխմել այն։ Նրա կարծիքով բավական կլինի նախաճաշին մեկ-երկու բաժակ խմել և մինչև հաջորդ առավոտ չհիշել ըմպելիքի մասին։ «Ամեն անգամ, երբ մի կում սուրճ եք խմում, ձեր բերանում pH մակարդակը իջնում է, և միջավայրը դառնում է ավելի թթվային: Որքան բարձր է բերանի թթվայնությունը, այնքան մեծ է կարիեսի վտանգը"», - իր կարծիքը բացատրել է Կանգը։

Ատամնաբույժը նաև կոչ արեց սուրճից հետո բերանը լվանալ ջրով։ Նա այս պարզ հնարքը անվանեց լավ միջոց ատամների վրա դեղին փառի առաջացումը կանխելու համար: Նույն խնդիրը կարելի է լուծել, եթե ծղոտի միջոցով սուրճ խմեք, կարծում է բժիշկը։

Աղբյուր` Փաստինֆո