Ռուսաֆոբիա, թե ուժեղացված ծառայություն․ ՊԵԿ-ը պարզաբանում է (տեսանյութ)

ԼՈՒՐԵՐ․com-ը ահազանգեր է ստացել քաղաքացիններից, դժգոհություններ ունեն «Զվարթնոց» օդանավակայանի մաքսավորների սպասարկումից։ Մեզ դիմած քաղաքացիներն այն կարծքին են, որ Պետական եկամուտների կոմիտեն արհեստական դժվարություններ է ստեղծել, հատկապես, ՌԴ-ից Հայաստան մեկնողների և ժամանող ուղևորների համար։ Մասնավորաբար, դժգոհում են կրկնակի անգամ դարձած տեխնիկական ստուգումներից, և ըստ այդմ կրկնակի ստուգումների հետևանքով հսկայական հերթեր են գոյանում «Զվարթնոց» օդանավակայանում։

Նախկինում, ասում են, մեկ սարքի միջոցով են ստուգվել ուղեբեռերը, և եթե կասկածելի ինչ-որ բան են նկատել, ապա հատուկ նշում է արվել թղթերում ու կրկնակի են ստուգել ուղեբեռը։ Քաղաքացիներն այս մոտեցման մեջ ռուսաֆոբիայի էլեմենտներ են տեսնում և կարծում են՝ դա գալիս է վերադասի մոտեցումներից։

«ՌԴ-ում մեզ կրկնակի ստուգում չեն իրականացնում, թե ինչն է խնդիրը որ մեր սեփական երկրում նման կերպ են վարվում չենք հասկանում։ Հոգնած իջնում ենք, կրկնակի ստուգում են, գոնե երկրորդ տերմինալը տեղադրեն, որ այդքան հերթեր չառաջանա»,- ասաց մեր զրուցակիցը։

ԵՏՄ երկրներից շատերում նման խնդիրներ չեն առաջանում։ ՊԵԿ մամուլի խոսնակ Լուսինե Մկրտչյանը ԼՈՒՐԵՐ․com-ին պարզաբանեց խնդիրը այսպես՝ միտումնավոր ոչիչ չի կատարվում, կրկնակի ստուգումներն իրականացվում են անհրաժեշտաբար և բացառապես անվտանգության նկատառումներից ելնելով, ընդ որում նույնն է մոտեցումը նաև մյուս երկրներից ժամանումների դեպքերում, չկա ոչ մի առանձնահատուկ մոտեցում ՌԴ-ից ժամանողների հանդեպ։ Մեր այն հարցին, արդյո՞ք հնարավոր չէ երկրորդ տերմինալ տեղադրել, Մկրտչյանը պատասխանեց․ «Հնարավոր է, սակայն հարցը կապված է տեխնիկական հնարավորությունների համալրման հետ, առայժմ աշխատանքային ռեսուրսները ամբողջովին օգտագործվում են ու իրավիճակը այն է ինչ կա»։