Մետրոյի «Աջափնյակ» կայարանի նախագծի լրամշակված տարբերակը պատրաստ է
Հասարակություն
Մետրոյի «Աջափնյակ» կայարանի նախագծի լրամշակված տարբերակը պատրաստ է
Այս մասին Երևանի քաղաքապետարանի գործակարգավարական նիստի ժամանակ հայտնեց «Երևանի կառուցապատման ներդրումային ծրագրի իրականացման գրասենյակ» ՀՈԱԿ-ի տնօրեն Անետա Բաբայանը՝ նշելով, որ նախագծող ընկերությունը փաթեթը պաշտոնապես ներկայացրել է հոկտեմբերի մեկին:«Մետրոյի «Աջափնյակ» կայարանի նախագծի շուրջ ձևավորված մասնագիտական խմբի բոլոր անդամներին փաթեթը և նախնական օրակարգն արդեն ներկայացվել է, որոնք այժմ ուսումնասիրվում են: Այս շաբաթ նախատեսվում է մասնագիտական խմբի նիստ, որի օրակարգում դրված է այս փաթեթն ընդունելու և երկրորդ անգամ պարզ փորձաքննության ներկայացնելու հարցը»,-նշեց Անետա Բաբայանը:
Անդրադառնալով ծրագրի ֆինանսավորման հարցին, նա ընդգծեց, որ այն քննարկվել է նաև միջազգային կառույցների հետ:Ըստ նրա՝ բացի նրանից, որ 2025 թվականի պետբյուջեի նախագծում մետրոյի «Աջափնյակ» կայարանի կառուցման համար արդեն նախատեսվել է մոտ 9,6 միլիարդ դրամ, այլ նաև քննարկվում է Եվրասիական հիմնադրամի և մի շարք այլ դոնոր կառույցների հետ՝ ծրագրի շրջանակում համագործակցության հարցը:
Ամենադիտված 
Մնաս բարյավ. Րաֆֆի Հովհաննիսյան
