Հայ-ադրբեջանական սահմանին ՆԱՏՕ-ի զորքեր կտեղակայվեն. ՏԱՍՍ

Արևմուտքը ձգտում է ՆԱՏՕ-ի երկրներից իր խաղաղապահ ​​կոնտինգենտին ներմուծել Հարավային Կովկաս՝ օգնելու Երևանի և Բաքվի միջև հարաբերությունների կարգավորմանը: Այս մասին օրերս հայտարարել է ՌԴ ԱԴԾ տնօրեն Ալեքսանդր Բորտնիկովը՝ ԱՊՀ անվտանգության գործակալությունների և հատուկ ծառայությունների ղեկավարների խորհրդի նիստում, փոխանցում է ՏԱՍՍ-ը։

«Ամերիկացիներն ու եվրոպացիներն ակնհայտորեն շահագրգռված չեն տարածաշրջանում կայունության հաստատմամբ։ Երևանին համոզելով հետաձգել Բաքվի հետ բանակցությունները՝ Արևմուտքը փորձում է առաջնորդել ադրբեջանահայկական կարգավորման գործընթացը և հասնել տարածաշրջանում իր խաղաղապահ ​​կոնտինգենտի տեղակայմանը` դե յուրե ՄԱԿ-ի և դե ֆակտո ՆԱՏՕ-ի հովանու ներքո»,- ասել է Բորտնիկովը։

Ըստ Բորտնիկովի՝ նման «խաղաղապահության» հնարավոր բնույթը մատնանշում է այն փաստը, որ Հայաստանի և Ադրբեջանի սահմանին տեղակայված, այսպես կոչված, ԵՄ անկախ քաղաքացիական դիտորդական առաքելությունը հետախուզական գործունեություն է ծավալում ՆԱՏՕ-ի կոնկրետ երկրի շահերից ելնելով՝ Ռուսաստանի և նրա գործընկերների դեմ։ Բացի այդ, ըստ ՌԴ ԱԴԾ-ի ղեկավարի, արտոնյալ զենքի մատակարարումների և անվտանգության երաշխիքների դիմաց Արևմուտքը ձգտում է Հայաստանի կառավարությանը ստիպել դուրս գալ ՀԱՊԿ-ից, ինչը Երևանին ավելի մեծ կախվածության մեջ կգցի Հյուսիսատլանտյան դաշինքից։ 

Այս թեմայով ՆԱՏՕ-ն ցանկանում է ձուկ որսալ պղտոր ջրում, և տարածաշրջանի երկրները դա լավ գիտեն. Զախարովա Քանի դեռ ես Սլովակիայի վարչապետն եմ, հետևելու եմ, որ Ուկրաինան ՆԱՏՕ-ի անդամ չդառնա. Ֆիցո Զելենսկու «հաղթանակի ծրագիրը», հավանաբար, կախված է կա՛մ ՆԱՏՕ արագացված մուտքից, կա՛մ անվտանգության երաշխիքներից ՆԱՏՕ-ի հետ մենք ձգտում ենք հասնել և առաջ տանել տարածաշրջանային անվտանգությունը․ ՀՀ ԱԳՆ Հայ դատի Ամերիկայի հանձնախումբը սատարում է կոնգրեսական հայամետ թեկնածուներին