Ասում են՝ պայթյուն է հնչել. ՆԳՆ խոսնակը Իսակովի հրդեհի մասին (տեսանյութ)

Երևանի «Դոմուս» հիպերմարկետում բռնկված հրդեհն արդեն տարածվել է 2,5-3 հազար քառակուսու վրա, տեղում աշխատում է 17 հրշեջ հաշվարկ, լրագրողներին հայտնել է Հայաստանի ՆԳՆ մամուլի քարտուղար Նարեկ Սարգսյանը: Ըստ նախնական տեղեկությունների՝ շենքում գտնվող բոլոր աշխատակիցները լքել են շենքը մինչև կրակի տարածումը, տուժածներ չկան: 

«Այս պահի դրությամբ մեր տեղեկությունն այն է, որ ովքեր եղել են ներսում, բոլորը դուրս են եկել։ Նախնական տեղեկություններով՝ պահեստային հատվածից է սկսվել հրդեհը, այնուհետև սկսել է այրվել կահույք, կենցաղային տեխնիկա և շինանյութ»,– ասաց նա։

Հարցին, թե ինչու չի հաջողվում մրել հրդեհը՝ պատասխանեց. «Հրդեհն այս պահին 2500–3000 քմ տարածքի վրա է։ Փրկարար ծառայություն 17 մարտական հաշվարկ է աշխատում։ Կոոպերատիվ 5 մեքենա, 2 ավտոսանդուղք, քաղաքապետարանի 5 ջրատար մեքենա եւ դեռ օգնության են հասնումնոր մարտական հաշվարկներ»,- ասաց նա՝ նշելով, որ այս պահին հրդեհի պատճառների որեւէ վարկած չի քննարկվում, դեռ քննություն չկա։

Հիշեցնենք, որ հոկտեմբերի 7-ին, ժամը 12:57-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում: Հրդեհի բարդությունից ելնելով հայտարարվել է հրդեհի բարդության «Թիվ 3» կանչ․ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս չորս մարտական հաշվարկ։