Հայաստանում Ուկրաինայի դեսպանության գործերի ժամանակավոր հավատարմատարը ԿԳՄՍ նախարարություն էր եկել

ՀՀ ԿԳՄՍ նախարարությունից հաղորդագրություն են տարածել՝ հետևյալ բովանդակությամբ․

«ԿԳՄՍ նախարարի տեղակալ Արթուր Մարտիրոսյանն այսօր ընդունել է ՀՀ-ում Ուկրաինայի դեսպանության գործերի ժամանակավոր հավատարմատար Լոբաչ Վալերիին:

Հանդիպման ընթացքում քննարկվել են «Կայուն դպրոցական սնունդ» ծրագրի իրականացման հայաստանյան փորձն ու համագործակցության հեռանկարները:

Արթուր Մարտիրոսյանը, ողջունելով Վալերիին, ներկայացրել է Հայաստանի Հանրապետությունում «Կայուն դպրոցական սնունդ» ծրագրի իրականացման ընթացքը: Նա տեղեկացրել է՝ 2023 թվականի հուլիսից արդեն ՄԱԿ-ի Պարենի համաշխարհային ծրագիրը (ՊՀԾ) «Կայուն դպրոցական սնունդ» ծրագրի հետագա կառավարումը և իրականացումն ամբողջությամբ փոխանցել է ՀՀ կառավարությանը, ու այժմ այն ամբողջությամբ ֆինանսավորվում է պետական բյուջեից։ Նրա խոսքով՝ ծրագրի ազգայնացումն իրականացվել է փուլային եղանակով՝ դպրոցական ճաշարանների վերանորոգումից, կահավորումից և տաք սննդին անցումից հետո:

Արթուր Մարտիրոսյանը նաև նշել է, որ դպրոցներում ակտիվորեն դասընթացներ են անցկացվում սննդային կրթության վերաբերյալ:

ԿԳՄՍ նախարարի տեղակալը նաև կարևորել է «Դպրոցական սնունդ» կոալիցիային ՀՀ անդամակցությունն ու ընդգծել՝ Հայաստանում ծրագրի իրականացման հաջող փորձը հետաքրքրություն է առաջացրել բազմաթիվ այլ երկրների շրջանում:

ՀՀ-ում Ուկրաինայի գործերի ժամանակավոր հավատարմատար Լոբաչ Վալերին շնորհակալություն է հայտնել ընդունելության համար և բարձր գնահատել Հայաստանի փորձը՝ նշելով, որ հետաքրքրված են ծրագրի ուսումնասիրման և տեղայնացման հնարավորությամբ։

Քննարկվել են նաև այլ ուղղություններով համագործակցության հեռանկարները»:

Այս թեմայով Մոսկվան ՀՀ-Ադրբեջան հակամարտության կարգավորման հիմք է համարում եռակողմ համաձայնագրերի իրականացումը Չենք ողջունում Հայաստանում ԵՄ առաքելության ներկայությունը․ ՌԴ նախագահի օգնական Բուհերում տիրող աղետալի վիճակն ու փաշինյանական նոր «բարեփոխումները»․ ի՞նչ վտանգներ է իր մեջ պարունակում բուհերի մասին նոր օրենքի նախագիծը (տեսանյութ) Քանի դեռ ես Սլովակիայի վարչապետն եմ, հետևելու եմ, որ Ուկրաինան ՆԱՏՕ-ի անդամ չդառնա. Ֆիցո Ուկրաինան հարվածել է Ղրիմում ՌԴ ամենամեծ նավթային տերմինալին․ արտակարգ դրություն է հայտարարվել