Տղամարդը 22 տարում 40 հազար ծառ է տնկել՝ իր քաղաքում զբոսայգի հիմնելու նպատակով
Հասարակություն
Բրազիլացի տղամարդը 22 տարում 40 հազար ծառ է տնկել՝ իր քաղաքում մեծ զբոսայգի ստեղծելու համար, գրում է Oddity Central-ը։
Բրազիլիացի 73-ամյա թոշակառու և նախկին գործարար Էլիո դա Սիլվան վերջին երկու տասնամյակների ընթացքում Սան Պաուլու քաղաքի լքված տարածքը վերածել է իսկական կանաչ օազիսի։ 2002 թվականից ի վեր նա սեփական նախաձեռնությամբ 40 հազար ծառ է տնկել։ Այն վայրը, որը ժամանակին հայտնի էր իր հանցավորության բարձր մակարդակով, ի վերջո զբոսաշրջային գրավչության կենտրոնի է վերածվել։
Տղամարդու բնորոշմամբ՝ տնկված ծառերի ավելի քան 88%-ը արմատավորվել է, որոնց վրա բնադրել են 45 տեսակի թռչուններ։ Ներկայում դա Սիլվան շարունակում է իր գործը և ցանկանում է հատել 50 հազար տնկիների նշագիծը։
«Իմ շարժ-առիթըհենց ծառերն են, քանի որ նրանք մեզ երջանկացնում են՝ մեզ ծաղիկներ, պտուղներ և մաքուր օդ պարգևելով»,-պատմել է Էլիոն:
Բրազիլացին տարեկան մոտ 7000 դոլար է ծախսում իր բնապահպանական ջանքերի համար, սակայն դա համարում է արժեքավոր ներդրում համայնքում: Չնայած իր ուղու սկզբում քննադատություններին, այսօր նա ճանաչվում է որպես տեղական հերոս, և շատ մարդիկ հոժարակամ կերպով մասնակցում են նրա ձեռնարկած գործին:
Ամենադիտված 
Մնաս բարյավ. Րաֆֆի Հովհաննիսյան
