Ուկրաինան հարվածներ է հասցրել Ղրիմում գտնվող նավթային պահեստին

Այսօր առավոտյան հաղորդվեց, որ Ուկրաինան հարվածներ է հասցրել Ղրիմում գտնվող նավթային պահեստին։ Ուկրաինական անօդաչու թռչող սարքերը հարձակվել են Ղրիմում գտնվող նավթի պահեստի վրա։ Այս ծովային նավթային տերմինալն ամենամեծն է Ղրիմում։

Տերմինալի թողունակությունը 250 հազար խորանարդ մետր է։ Թերակղզում կա ընդամենը երկու այդպիսի տերմինալ, երկրորդը գտնվում է Սևաստոպոլում։

Ղրիմում, երկուշաբթի լույս հոկտեմբերի 7-ի գիշերը ուժեղ հրդեհ է բռնկվել Թեոդոսիայում նավթի պահեստում, հայտնել է քաղաքային վարչակազմի ղեկավար Իգոր Տկաչենկոն.

«Տուժածներ և վիրավորներ չկան», - ասել է Ղրիմի օպերատիվ շտաբը։ Հրդեհի պատճառները պաշտոնապես չեն հաղորդվում։ Ժամը 4։25-ի սահմաններում քաղաքում հզոր պայթյուններ են որոտացել։ Սրանից հետո նավթի պահեստավորման տարածքում կրակ ու ծուխ է հայտնվել, Shot Telegram ալիքին պատմել են տեղի բնակիչները։ Արտակարգ իրավիճակ է հայտարարվել, հրդեհի պատճառով Թեոդոսիայից տարհանվել է 300 մարդ, հաղորդում է պետական Tass գործակալությունը: Մոսկվայի պաշտպանության նախարարությունը հայտնել է, որ Կիևի կողմից արձակված ընդհանուր 21 անօդաչու թռչող սարքերից 12 ուկրաինական անօդաչու թռչող սարքեր են խոցվել գիշերը։ Նախկինում օբյեկտը խոցվել էր մարտին ուկրաինական անօդաչու թռչող սարքի հարվածից:

Պայթյունը Ղրիմում տեղի է ունեցել այն ժամանակ, երբ Կիևի պաշտոնյաները հայտնել են, որ օդուժը 32 անօդաչու թռչող սարք և երկու հրթիռ է խոցել, որոնք գիշերը Ռուսաստանի կողմից արձակվել են Ուկրաինայի մայրաքաղաքի ուղղությամբ: