Պուտինն ահաբեկչության դեմ պայքարն անվանել է ԱՊՀ-ի աշխատանքի առանցքային ոլորտ

Ահաբեկչության, ծայրահեղականության և կազմակերպված հանցավորության դեմ պայքարը ԱՊՀ երկրների համատեղ աշխատանքի առանցքային ոլորտն է, հայտարարել է ՌԴ նախագահ Վլադիմիր Պուտինը Մոսկվայում Համագործակցության երկրների ղեկավարների մասնակցությամբ գագաթնաժողովում։

«Համագործակցության շրջանակներում համատեղ աշխատանքի առանցքային ոլորտն ավանդաբար եղել է ահաբեկչության և ծայրահեղականության, կազմակերպված հանցավորության, թմրամիջոցների ապօրինի շրջանառության և կոռուպցիայի դեմ պայքարը: Դրան նպաստում է իրավապահ մարմինների և մեր երկրների իրավասու մարմինների միջև հաստատված օպերատիվ փոխգործակցությունը»,- ասել է Պուտինը։