Պատրաստ եմ մեռնել Պուտինի հետ․ Սթիվեն Սիգալ
Աշխարհ
Դերասան և ՌԴ-ի ու ԱՄՆ-ի միջև հումանիտար հարաբերությունների հարցերով ՌԴ ԱԳՆ-ի հատուկ ներկայացուցիչ Սթիվեն Սիգալը հայտնել է, որ ռուս-ուկրաինական պատերազմի սկզբում նամակ է գրել ՌԴ նախագահ Վլադիմիր Պուտինին, որում նա հայտնել է իր պատրաստակամությունը՝ մեռնելու նրա և Ռուսաստանի համար։
«Ես Մերձավոր Արևելքում էի, որոշ մարդկանց մարտարվեստ էի սովորեցնում: Եվ լսեցի, որ Ռուսաստանն Ուկրաինայում հատուկ գործողություն է սկսել։ Հաջորդ օրը ես նամակ գրեցի և համոզված էի, որ այն, ամենայն հավանականությամբ, կհասնի ՌԴ նախագահին»,- ասել է Սիգալն իր «Հանուն արդարության» ֆիլմում։
Նա ընդգծել է, որ նամակում աջակցություն է հայտնել ՌԴ նախագահին և նշել, որ այժմ Ռուսաստանը կտեսնի, թե ովքեր են իր իրական հայրենակիցները, ովքեր են բարեկամներ, ովքեր՝ թշնամիներ։
«Ես կլինեմ իմ նախագահի կողքին, կպայքարեմ իմ նախագահի կողքին և, եթե անհրաժեշտ լինի, կմեռնեմ իմ նախագահի հետ»,- դերասանը մեջբերել է Ռուսաստանի ղեկավարին ուղղված նամակում իր ասածը։
«Ինչ վերաբերում է Վլադիմիր Պուտինին, ես գիտեմ, թե նա իրականում ինչի համար էր պայքարում և ինչ էր փորձում անել», - ասել է Սիգալը։
Դերասան Սթիվեն Սիգալը Ռուսաստանի քաղաքացիություն է ստացել 2016 թվականին, իսկ 2018 թվականին դարձել է ՌԴ ԱԳՆ հատուկ ներկայացուցիչ։
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
