Դուբայը դառնում է կոսմետիկ վիրաբուժության եւ բուժման ամենահայտնի ուղղություններից մեկը

«Մերձավոր Արեւելքի Բեւերլի Հիլզ» անվանումը ստացած Դուբայը դառնում է կոսմետիկ վիրաբուժության եւ բուժման ամենաթեժ ուղղություններից մեկը, եւ փորձագետներն կարծում են՝ այս «բումը» առաջիկայում չի նահանջի, գրում է Forbes-ը:

«Մերձավոր Արեւելքը դարձել է գեղեցկության, էսթետիկայի եւ առողջության համար հսկայական ուղղություն»,-ասում է դոկտոր Աիզա Ջամիլը, որը Միացյալ Թագավորության խորհրդի կողմից հաստատված առաջատար խորհրդատու մաշկաբան եւ լազերային ու էսթետիկ բժշկության մասնագետ է: «Դա, ասես, մի դուռ է Ասիայի եւ մնացած Եվրոպայի միջեւ, եւ ես կարծում եմ, որ շատ մարդիկ հավաքվում են այստեղ՝ բժշկական գեղեցկության առաջադեմ առաջարկների եւ շքեղության փորձառությունների համար՝ մի համադրություն, որը պարտադիր չէ այլ տեղ գտնել»:

Դուբայը տարեկան գրավում է միլիոնավոր այցելուների, ովքեր փնտրում են ավելին, քան պարզապես ձմեռային արեւը: Իր զարգացած ենթակառուցվածքների եւ առաջադեմ տեխնոլոգիաների արագ ընդունման, ինչպես նաեւ որակյալ մասնագետների հոսքի, հյուրընկալ աշխատաշուկայի եւ կյանքի բարձր որակի շնորհիվ, Դուբայն այժմ դիտվում է որպես նոր աճող վայր բոլորի համար: էսթետիկ բժշկության տեսակները զիջում են միայն Լոս Անջելեսին եւ Լոնդոնին։

Մրցանակակիր խորհրդատու մաշկաբան Դրիկ Ֆիլիպսը, որը մասնագիտացած է Դուբայի ամենապահանջված կլինիկայում՝ Բիոլիտում, ասում է՝ «Դուբայը ֆանտաստիկ վայր է մաշկի, էսթետիկայի եւ առողջության համար. այն առաջատար է բազմաթիվ նորարարական բուժման, տեխնիկայի եւ տեխնոլոգիաների մեջ, եւ այստեղի մասնագետներն, իսկապես, իրենց գաղափարներով առաջնահերթ են դարձնում բուժման եւ մաշկի առողջության ապագան»:

Բժիշկները նաեւ նշում են Դուբայի կլինիկաներում հանդիպող հիվանդների եւ կլինիկական խնդիրների ավելի լայն տեսականի, ինչը քաղաքը դարձնում է հիանալի վայր մաշկային խնդիրների բուժման համար, որոնք տարածված են ինչպես տարածաշրջանում, այնպես էլ նմանատիպ կլիմայական պայմաններ ունեցող այլ երկրներում: