ԵՄ առաջնորդները Վրաստանին ուղղված կոշտ ուղերձ են պատրաստում ընտրություններից առաջ

Եվրամիության (ԵՄ) երկրների ղեկավարները պատրաստվում են զգուշացնել Վրաստանին, որ հանրապետության կառավարությունը վտանգի տակ է դնում երկրի ուղին դեպի քաղաքական միավորում։ Reuters-ի փոխանցմամբ՝ համապատասխան հայտարարությունը տեղ է գտել ԵՄ գագաթնաժողովի եզրակացության նախագծում, որը կանցկացվի Բրյուսելում հոկտեմբերի 17-18-ը։ Այս մասին տեղեկացնում է euromedia24.com-ը:

Ինչպես նշվում է նյութում, Թբիլիսին ԵՄ-ին անդամակցելու համար թեկնածուի կարգավիճակ է ստացել 2023 թվականի վերջին, սակայն իշխող «Վրացական երազանք» կուսակցության հռետորաբանությունն ու գործողությունները անհանգստություն են առաջացրել եվրոպական մայրաքաղաքներում։

ԵՄ փաստաթուղթը «հաստատում է Միության պատրաստակամությունը՝ աջակցելու վրաց ժողովրդին իր եվրոպական ճանապարհին», բայց նաև «կրկնում է իր լուրջ մտահոգությունը վրացական իշխանությունների գործողությունների վերաբերյալ»։

Բացի այդ, ԵՄ-ն ընդգծելու է, որ երկրի իշխանությունների գործողությունները «վտանգում են Վրաստանի ուղին դեպի ԵՄ և դե ֆակտո դադարեցնում են անդամակցության գործընթացը»։