Սաուդյան Արաբիայում կրոնական հարցերը ծաղրող ծաղրանկարչին 23 տարվա ազատազրկման է դատապարտել

Սաուդյան ծաղրանկարիչը, որը ժամանակին նկարում էր Կատարի թերթերից մեկի համար, երբ Դոհայում բռնկվեց տասնամյակների դիվանագիտական ճգնաժամը, դատապարտվել է 23 տարվա ազատազրկման, հայտնում է Associated Press գործակալությունը՝ վկայակոչելով ակտիվիստների աղբյուրները:

Ծաղրանկարիչ ալ-Ղամդին նկարում էր Ալ-Հազզա կեղծանունով, իսկ նրա որոշ ծաղրանկարները ծաղրում էին մահմեդականների սուրբ Ռամադան ամսվա ընթացքում ծագած խնդիրները, երբեմն էլ շոշափում էին Մերձավոր Արևելքի քաղաքականությունը:

Ալ-Ղամդին աշխատում էր կատարական Lusail թերթում, երբ 2017 թվականին սկսվեց Կատարի հանդեպ Սաուդյան Արաբիայի, Արաբական Միացյալ Էմիրությունների, Եգիպտոսի և Բահրեյնի երկարամյա դիվանագիտական բոյկոտը:

Դա ի սկզբանե հանգեցրել էր նրան, որ Սաուդյան Արաբիայի մասնագիտացված քրեական դատարանը Ալ-Ղամդիին դատապարտել էր վեց տարվա ազատազրկման՝ մեղադրանքներով, որոնք ծաղրանկարիչը հերքել է, ներառյալ թագավորությունը ենթադրաբար վիրավորող նրա աշխատանքը: Սակայն վերջին ամիսներին գործը վերաբացվել է, և ալ-Ղամդին դատապարտվել է 23 տարվա ազատազրկման, դադատվճիռը ենթական չէ բողոքարկման, հայտնել է Միացյալ Թագավորությունում գործող իրավապաշտպան SANAD կազմակերպությունը, որը մասնագիտացած է Սաուդյան Արաբիայի հարցերով

News.am