Մասիսի նկարն էլ ունեմ, Արագածինն էլ, Էվերեստինն էլ, կարաք արխային դուք էլ ունենաք, պրոբլեմ չի. ՔՊ-ական պատգամավոր
Քաղաքական
ՔՊ-ական պատգամավոր Նարեկ Գրիգորյանը, արձագանքելով «Հայաստան» խմբակցության պատգամավոր Արմեն Ռուստամյանի հարցին, հայտարարեց, որ տանն Արարատ լեռան նկարն էլ ունի, Արագածինն էլ։
«Մասիս սարի նկարն էլ ունեմ, Արագածի նկարն էլ ունեմ, Գեղամա աշխարհի Աժդահակի նկարն էլ ունեմ, դրանց հետ մեկտեղ նաև Էվերեստի նկարն ունեմ։ Ի՞նչ ա նշանակում՝ նկար ունենալը պրոբլեմ ա։ Չէ, պրոբլեմ չի, արխային կարաք ունենաք»,- ասաց նա:
Հիշեցնենք՝ Ռուստամյանը հայտարարել էր, որ «իրական Հայաստանում» ՀՀ այն քաղաքացիները, որոնք իրենց տանն ունեն Արարատ լեռան նկարը, պրոբլեմ են ունենալու, որովհետև Արարատը պետք է արագ փոխարինվի Արագած լեռով․ «Օրինակ, եթե արտասանեն «Ես իմ անուշ Հայաստանի» բանաստեղծությունը ու հասնեն այն տողին, որ «Աշխարհ անցիր, Արարատի նման ճերմակ գագաթ չկա, որպես անհաս փառքի ճամփա` ես իմ Մասիս սարն եմ սիրում», կասեն` ո՞նց թե քո Մասիս սարը: Ո՞վ ասաց, որ Մասիս սարը քոնն է, իսկ եթե ուզում ես շատ արտահայտել քո սերը Մասիսի նկատմամբ, ասա, որ «ես թուրքերի Մասիս սարն եմ սիրում», կլինի շատ ճիշտ, խնդիր չի առաջացնի հարևանների հետ»,- ասել էր Ռուստամյանը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
