Բանգկոկի հյուրանոցներից մեկում 6 վիետնամցու մահացած են գտել

Բանգկոկի ոստիկանությունը հետաքննում է Թաիլանդի մայրաքաղաքի Hyatt Erawan Bangkok շքեղ հյուրանոցներից մեկում մահացած 6 մարդու մահվան հանգամանքները, գրում է BBC-ն։

Թաիլանդի Հանրային հեռարձակման կորպորացիան, վկայակոչելով ոստիկանության աղբյուրները, հայտնել է, որ զոհվածների թվում կան երեք տղամարդ և երեք կին:

Հյուրանոցի գրառումների համաձայն՝ յոթ հոգուց բաղկացած խումբը հյուրանոցում համարներ է վերապահել, բայց միայն հինգն են գրանցվել: Ոստիկանությունը հայտնել է, որ մահացած հայտնաբերված վեցերորդ անձը նշված չի եղել որպես բնակիչ:

Այս պահին ոստիկանության հիմնական վարկածը թունավորումն է։ Ոստիկանության աղբյուրները հայտնում են, որ կատարվում է թունաբանական հետազոտություն։