Երկու դեպքով հայտնաբերվել է 92 կգ սիգ․ ապօրինի ձկնորսության դեմ միջոցառումները շարունակվում են (տեսանյութ)
ՏեսանյութերՋրային պարեկները, Սևանա լճի ափամերձ տարածքը սպասարկող ոստիկանության ստորաբաժանումներն ու Բնապահպանության և ընդերքի տեսչական մարմնի աշխատակիցները շարունակում են հետևողական միջոցառումներ իրականացնել ապօրինի ձկնորսության դեպքերը բացահայտելու և կանխելու ուղղությամբ:
Համատեղ միջոցառումների արդյունքում հունվարի 8-ին Ճամբարակ համայնքի հարակից Սևանա լճում հայտնաբերված ձկնորսական նավակում եղել է սիգ տեսակի 135 ձուկ՝ ընդհանուր 54 կիլոգրամ: Ծովագյուղի 24 և 31 տարեկան բնակիչները հայտնել են, որ իրենք են որսացել ձկները։
Ձկնորսական նավակը և ձկները տեղափոխվել են Համայնքային ոստիկանության Ճամբարակի բաժին։
Նույն տարածքում ջրային պարեկները ստուգման նպատակով կանգնեցրել են Սևան քաղաքի բնակիչ, 52-ամյա տղամարդու վարած մեքենան։ Ստուգման ընթացքում պարեկները մեքենայի սրահում նկատել են սիգ տեսակի 134 ձուկ՝ ընդհանուր 38 կիլոգրամ։ Տղամարդը հայտնել է, որ ձկները գնել է Փամբակ բնակավայրի տարածքում անծանոթ անձից։
Երկու դեպքով էլ կազմված փաստաթղթերն ուղարկվել են Սևանի քննչական բաժին։
Ամենադիտված 
Ինչու Վազգեն Սարգսյանին ու Կարեն Դեմիրճյանին սպանելուց հետո Մեղրին Լաչինով փոխելու ռուսական ծրագիրը չիրականացրին Քոչարյանն ու Սերժ Սարգսյանը․ Տիգրան Խաչատրյան 
