Ով է Սելենա Գոմեսին արցունքների պատճառը (տեսանյութ)

Հունվարի 26-ին 32-ամյա երգչուհի և դերասանուհի Սելենա Գոմեսը, ով այժմ ուշադրության կենտրոնում է «Էմիլիա Պերես» ֆիլմում խաղացած իր դերի համար, Instagram-ի իր սթորիում կիսվել է արցունքոտ տեսանյութով։ Այս մասին հայտնում է X-ը։

Տեսանյութում ակնհայտորեն վրդովված Գոմեսն ասում է. «Իմ ամբողջ ժողովրդի վրա հարձակվում են, երեխաների վրա ևս։ Ես չեմ հասկանում։ Շատ կներեք, կուզենայի ինչ-որ բան անել, բայց չեմ կարող: Չգիտեմ՝ ինչ անեմ։ Ամեն ինչ կփորձեմ, խոստանում եմ»։

Տեսանյութն ուղեկցվում էր մակագրությամբ՝ մեքսիկական դրոշով և «Ներողություն եմ խնդրում» գրությամբ՝ ընդգծելով նրա համակրանքը բռնությունների հետևանքով տուժածների հանդեպ:

Մինչ շատ երկրպագուներ գովում էին Գոմեսին նրա խոցելիության և կարեկցանքի համար, մյուսները քննադատում էին նրան՝ մեղադրելով նրան ուշադրություն գրավելու համար զգացմունքային պահ օգտագործելու մեջ:

Տեսանյութը հակասական արձագանքներ է առաջացրել սոցիալական ցանցերում, ոմանք այն անվանել են «դրամատիկ» և «հրապարակային հնարք»: