Եթե կորցնենք Արցախը, ապա մենք կշրջենք հայոց պատմության վերջին էջը․ Մոնթե Մելքոնյանի խոսքերը

Իմ կենացը մի խմեք, այլ իմ գործը շարունակեք։

Դժվար էր մեր ուղին, բայց նպատակը վեհ էր… իսկ դեպի վեհ նպատակ տանող ուղին հաղթանակ է։

Եթե կորցնենք Արցախը, ապա մենք կշրջենք հայոց պատմության վերջին էջը։

Մարդկային արժեքների գնահատման լավագույն տարբերակը ինքնահարգանքն է։

Սերունդը պետք է դաստիարակել գաղափարներով, այլ ոչ թե բռնարարքներով։

Ապացուցված է, որ գրագիտությունն ավելացնում է հրացանի օգտագործման ճշգրտությունը։

Ղեկավարի պարկեշտ պահվածքն ու ենթակային անձնական օրինակով ուղղորդելու կարողությունը մարտունակ և բարոյապես ամուր զինվորի դաստիարակության նախապայմաններից են։

Առանց հստակ նպատակի և քաղաքական գծի հնարավոր չէ մշակել իրապաշտ ռազմավարություն, իսկ առանց ռազմավարության ցանկացած նպատակ անհասկանալի է։

Յուրաքանչյուր ժողովրդի հաղթանակ առաջին հերթին ազգային համախմբվածության արդյունք է, որ պիտի կառուցված լինի խելամիտ հաշվարկների վրա։

Զինյալ պայքարի փորձառությանն ու դրանից ստացած դասերին պետք է վերաբերվել քննադատորեն, քանի որ հակառակ դեպքում դժվար կլինի խուսափել նախկինում կատարած սխալներից։

Իրական անկախության կարելի է հասնել միայն ու միայն տնտեսական անկախության միջոցով։

Զինյալը երբեք չպետք է բավարարվի նրանով, ինչ արդեն գիտե: Ավելին` զինյալը պետք է մանրամասն ուսումնասիրի յուրաքանչյուր իրավիճակ և խուսափի ընդհանրացումներին վստահելուց։

Մարդկային արժեքների գնահատման լավագույն տարբերակը ինքնահարգանքն է։