Իմ ասածը թող ընդունեն որպես հանցագործության մասին հաղորդում. Դանիելյան (տեսանյութ)

ԱԺ «Հայաստան» խմբակցության պատգամավոր Գառնիկ Դանիելյանը մեկնաբանել է Շվեյցարիայում հայ համայնքի ներկայացուցիչների հետ հանդիպման ժամանակ Նիկոլ Փաշինյանի հայտարարությունը՝ Հայոց ցեղասպանության վերաբերյալ։

«Դուք՝ որպես ընդդիմադիր պատգամավոր, ի՞նչ քայլեր եք ձեռնարկելու, որպեսզի այդ քրեորեն պատժելի արարքը հետևանք ունենա Նիկոլ Փաշինյանի համար»,– լրագրողի այս հարցին ի պատասխան՝ պատգամավորն ասաց․

«Իմ ասածը թող ընդունեն որպես հանցագործության մասին հաղորդում։ Այս մարդը հանցագործություն է կատարել մեր երկրի, ժողովրդի հանդեպ։ Անգամ այն երկրում (Շվեյցարիա – խմբ․), որտեղ նման հայտարարություն է արել, Ցեղասպանության ժխտումը քրեորեն պատժելի արարք է»։

Նրա խոսքով՝ Հայաստանում այդ հայտարարությունից անմիջապես հետ ձեռնաշղթաները պետք է հագցնեին, տանեին «համապատասխան վայր»։